اسلام آباد (نیوز ڈیسک ) پاکستان میں بھارتی دہشت گردی کے موضوع پر ایکشن سے بھرپور فلم ڈھائی چال 8دسمبر کو ریلیز کے لیے تیار۔ پاکستان کے ازلی دشمنوں کو بے نقاب کرتی اس فلم کی کہانی کی مصنفہ ہیں فرحین چوہدری ، ہدایتکار تیمور شیرازی ہیں جبکہ اسے ڈاکٹر عرفان اشرف نے پروڈیوس کیا ہے۔
ہمایوں اشرف، عائشہ عمر، شمعون عباسی، عدنان شاہ ٹیپو، سلیم معراج، اریج چوہدری اور رشید ناز سمیت دیگر اداکاروں نے اس فلم میں اپنی اداکاری کے جوہر دکھائے ۔
8دسمبر کو ریلیز کیلئے تیار فلم ڈھائی چال پر پر تبصرہ کرتے ہوئے سینئر دفاعی تجزیہ کار سیف اللہ خالد کا کہنا تھا اس فلم کے مرکزی کردار بھارتی نیوی کے حاضر ڈیوٹی آفیسر اور بھارتی مشیر برائے سلامتی (بلکہ میں اسے کہوں گا مشیر برائے دہشت گردی ) اجیت دوول کے بھانجے اور بھارتی جاسوس کلبھوشن جادیو کو پاکستانی اداروں نے بلوچستان سے پکڑا ۔
بھارت اس کا کیس عالمی عدالت میں لے کر گیا مگر ہار گیا اور بھارت کی عالمی دہشت گردی کا یہ ثبوت آج بھی پاکستان کے پاس موجود ہے ۔ سیف اللہ خالد کا کہنا تھا کہ اگر عالمی برادری بالخصوص امریکہ اور کچھ دیگر مغربی ممالک بھارتی سانپ کو پالنے کے در پے نہ ہوتے تو یہی ایک کیس کافی ہے بھارت پر پابندیاں لگانے کیلئے ۔
دنیا اپنے سیاسی مفادات کیلئے بھارت کے ساتھ ہوجائے یہ الگ بات ہے مگر پاکستانی قوم پوری طرح سے دہشت گردی کیخلاف نبرد آزما ہے ۔ ہر میدان پر ، ہر محاذ پر پاکستان کے سپوت دشمن کے دانت کھٹے کر رہے ہیں ۔ صرف مسلح افواج اور انٹیلی جنس ادارے ہی نہیں پاکستان کا ہر نوجوان ، وہ طالبعلم ہو یا دوکاندار ، عالم دین ہو یا کوئی فلم رائٹر ، سب اس میدان میں اپنے وطن کیلئے لڑ رہے ہیں اور اسی سلسلہ میں کلبھوشن جادیو کو مرکز بنا کر پاکستان فلم انڈسٹری نے ڈھائی چال کے نام سے فلم تیار کی ہے جو آٹھ دسمبر سے پاکستان میں ریلیز ہو رہی ہے ۔ سیف اللہ خالد نے اس فلم کے حوالے سے مزید کیا کہا ، ملاحظہ کیجئے :
