آبنائے ہرمز میں یونانی ایل این جی ٹینکر کو پراسرار ’حادثہ‘، کمپنی کا اہم بیان سامنے آگیا

کمپنی نے کہا کہ اس کی اولین ترجیح جہاز پر موجود عملے کی حفاظت ہے اور خوش آئند بات یہ ہے کہ تمام افراد محفوظ ہیں اور ان کا مکمل حساب موجود ہے۔بیان میں مزید کہا گیا کہ ماہرین جہاز کی تکنیکی حالت اور ممکنہ نقصان کا تفصیلی معائنہ کر رہے ہیں، جبکہ متعلقہ حکام کے ساتھ مسلسل رابطہ برقرار رکھا جا رہا ہے۔

یہ پیش رفت ایسے وقت میں سامنے آئی ہے جب آبنائے ہرمز اور خلیجی سمندری راستوں میں بڑھتی ہوئی کشیدگی کے باعث عالمی بحری جہاز رانی، توانائی کی ترسیل اور تجارتی سرگرمیوں پر گہری نظر رکھی جا رہی ہے۔

ماہرین کے مطابق آبنائے ہرمز دنیا کی اہم ترین بحری گزرگاہوں میں شمار ہوتی ہے، جہاں سے عالمی سطح پر تیل اور مائع قدرتی گیس کی بڑی مقدار گزرتی ہے، اس لیے اس علاقے میں پیش آنے والا ہر واقعہ عالمی توانائی کی منڈیوں پر اثر ڈال سکتا ہے۔